86
1 Ngatə ɗa Tlakəu, ka wuma na'a,
aka naya ndə ɗalɗali ya nda kwa chima.
2 Dləuya ɗa tsa ta, ngam naya ndər nəu nya kə ya;
dləuya ɗa, aka naya kadakaliya ngə ya nda tə dləukəri naka.
3 Naka Hyel ɗa ka, aka ənga ngatə tuhuɗə ɗa;
yo pətlənya nəngha pa'a pəchi.
4 Shilna nyi hirgyaɗi nə kadakaliya nghə ja Tlakəu,
ngam pətlənya ɗa kwa gi da ka.
5 Na ka ndə mənakə ka ndər far bikəu,
nyida ngha bwaɓ tanyi nə nji inda kwa pətlənya nəngha.
6 Ngatə pətlənya ɗa ja Tlakəu,
ngatə tiwi ɗa aka ka vala.
7 Aku biji nda ya ku ɓwaɓwatu yo nga ngha,
ngam ko wuma na'a.
8 Aku huɗa hyel i, na da wi nakə Tlakə wa;
a sə mərmər da inda njo məməla na nənghə wa.
9 Dəhə jul nji inda ka ɓatləti
kwa shili kwa uzhi huɗəngha;
ndo shil fal gyalkur ngha.
10 Nakə ndər gyalkur nda kwa mər sər muniya i;
nakə sənghə tanyi Hyel.