84
1 Ya kwa nyida mbwa'alə nghə Tlakə ndər gyalkur dəhəu!2 Ya kwa i ya ngya hinda! yo kwa chima ya ngyata ɗa ku mbwa'alən Tlakə. Ana dəhə ɗəfwa ya kwa nə Hyel ndər pi.3 Mada kwabirata ma'a kwa hər ki kənda da; swallowa ma'a tsəu na ki kənda, ləhə dzər dzəgana ngha nda kwa ɓəla nguli kənda, Tlakə ndər gyalkur, nakə təl ɗa ana Hyel ɗa.4 Nji nda na papa'akur nga nji nda na ngya ku ku mbwa'aləngha; wa'atanyi nda kwa na miya falngha.5 Nji nda na papa'akur nga nji inda tə uya dunama ku ka, nji inda tə fətə nda ka nda yi zhuli hyo kəram Sihiyona.6 Ku sakanda nda kwa tərabiya ku dakə Baka, nda shandə nyi ka mbwar tsətsəɗə, par tangərma kwa shil haɗiya mbwanda cho ɗa ka fa'a.7 Ndo tsakətə uya dunama ku ma'i kənda, kəl bəji nda kala zhang kənda tə uya kərnyi amar Hyel ku Sihiyona.8 Ngatə pətlənya ɗa Hyel ndər gyalkur; səndzə hima da ya Hyel nə Yakubu.9 Yawa Hyelləu; ndzam ləgə kə'i ea, ndzam ndə ka tabiya ku tuhuɗəu.10 Hanyi zhang ku mbwa'alə ngha a ndiya tə hanyi gharu kumnyi tə vanya mbwa; guja ya ngya ka ndər ɓəla tə nya mbwa'alə Hyel tsa ngya ku ki njir kəmangər.11 Aka Hyel Tlakə ngə Vi mbəlmbəla ana ləgə, cha səkə mən papa'akur ana mənakəkur ana səli. A cho ngyari nəniy sə durdur nə nji nda kwa mre sə tsatsa'a wa.12 Yawa Tlakə ndər gyalkur, ndə papa'a nga ndə nda tədləukər naka.