80
8 Ka zəbəya na'a ea vu Masar wi ngə wur anab;
ka gədləbiya chul nji ka chiya nyi.
9 Ka ɓatləya nyi mbwar hə'i mənakə ka cha ha,
ngilangha cha tə go hə'i ga nyandə hə'i.
10 Shanguɗa cha tə haɗiya kəram i ,
cha haɗiya wawa'a wur cedars i ana cha cha.
11 Cha tə whi kwa'a nə dəl nə Bahar,
ngilangha cha tə whi kwa'anə dəl Yufiretis.
12 Mya gwa'atə ka dlanda tlavər kinya?
Janə sakana kala ndə nda kwa tərabiya
kwa nau həltə ngulinyi.
13 Dagəla takəu kwa nau səwandə nyi
kum takəu fiyatə ka sərsum kənda.
14 Ɓəl shilda ea Hyel ndər gyalkurə!
Ndzam səya kya huɗaməlləm ka la'a!
Shili ka dləya nəna wur anap,
15 ngilang nda chisəma kə tə chiya,
zər nda ka handə nə kərngha.
16 Wur anap ngha gəgati, hu'ua ngina ti;
17 Ngwa cha ka ngyatə kəra ndə nda tə chisəma ka,
zər ndə nda ka handə nə kərngha.