Miya lə ga'a ana usaku
67
1 Hyelləu, ngatə tuhuɗə kəea ka səkə əa papa'akur; ka shandə huɗəmaka mbəla a shil təkəra ea, 2 ga dəhə dunəya zəndə sənda ko i; tsa'aka dəhə kwa zəndəbiya dləuya ngha. 3 Ngwa nji falə nghə ja Hyelləu; ngwa dəhəkura nji da falə ngha! 4 Ngwa jul nji dəhə da fəla nda na miya hirgyaɗi, aka ka mərtə nəumar jiri anə nji, ka nəu na kala jul nji ku dunəya. 5 Ngwa nji da falə nghə ja Hyelləu, ngwa dəhəkura nji da falə ngha! 6 Ənga hə'i kwa shilna sakəda; ya Hyel nda Hyel kə ea kwa səkə ea papa'akur. 7 Hyel kwa səkə mən papa'akur, ngwa dəhəkura nji mada mani da ləvər nyi.