63
1 Hyelləu, nakə Hyel ɗa,
ana jiri ya kwa gwa'angha;
pya ya kwa ngatə hilingha,
aku mbwa 'ual'ula ana hə'i
nda pa da na ɓiti.
2 A la'anghə təya ku mbwa karti ngha
ku gyalkurngha ana səlingha.
3 Ngam nyida ngha a ndiya tə pi,
nya na kwa falngha.
4 Yo falngha ku dəhə ngya ɗa,
aku tləməngha yo ha cha ya sha huɗaməlləm.
5 Pya ya kwa nyi ana sərsuma;
ana miya nya kwa falngha.
6 Atə sər piya ɗa ya kwa ɗənghatə nak;
Aku dəhə vu'i ya kwa jigadəma təkəra ka.
7 Ngam nakə ngə vala ɗa,
ya kwa na miya fala da kida shanguɗa nə babəka ka.
8 Piya kwa ndəhətə dza dzəngha;
ka gəzətə ɗa na chisəma ka.
9 Nji inda kwa gwa'a pya ya,
ndə təra gwa kə njikə mambəl.