57
1 Ngatə tuhuɗə ɗa Hyelləu, ngatə tuhuɗə da,
ngam ya shilda ka ya mbəɗa.
Da kida shanguɗa babəka ka yo uya mbəɗ
kəl biji nda ɓwaɓwatu tə tərabiya.
2 Yo tiwi nə Hyel ndər gyalkurə,
nə Hyel nda kwa nyabiya sənda cho i kaya.
3 Cha sa səya kya huɗaməlləm ka cha dləuya ɗa.
cho kura nji inda kwa gədlə ɗa.
Hyəl o char ɗa nyida nyi ana jirkur nyi nda ɓəlnyi da wa.
4 Njir dawa ɓandə ɗa ti,
wi ngə ləvari nda kwa ngatə huɓər kumər ndəu.
Hira nda wi ngə tə masəu ana hafa,
kyara nda tsəltsəl nyi ndəkə katsakər.
5 Hyelləu, char dəgalkur nghə nda kya huɗaməlləm;
səlinghə tsəu təkəra dunəya dəhəu.
6 Njir dawa ɗa hyanda tə zama ka nda səya ɗa;
Ɓwaɓwatu ndiya tə dunama ɗa.
Nda labiya ka'u ku laku ɗa,
amma nda pəpə gwa kwa təkər nənda.
7 A mbambiya təya dzə Hyelləu;
Yo na miya yo falngha!
8 Hya'atə, pya ya!
Hya'atə, zəmbəl ɗa ana gulum ɗa!
Yo hyandə pəchi.
9 Tlakəu, aku huɗa nji pampam, yo falangha;
aku huɗa nji yo falangha.
10 Aka nyida ngha 'ualləu, kwa həya huɗaməlləm;
jirikur nghə tsəu kwa həya ɗəhirhuɗaməlləm.
11 Hyelləu, char dəgalkurngha, kyatə ɗuhirhuɗaməlləm;
ngwa səlinghə da mbəla təkəra dunəya dəhəu.