Miya falə Hyel
40
1 Ya səkə Tlakə na mbahuɗə ka cha vala ɗa,ngə cha səndzi himi da ya ga ngatə tiwi ɗa.
2 Cha həbiya ɗa ku ka'u mwandəzhi,
aku nyingha ana mishishi'ua;
ngə cha fətə ɗa kyatə mangu
ngə cha ta'ində ɗa tə mbwa ɓaɓal.
3 Cha fətə taɗər miya tə kyara ya,
miyar fal Hyel kəmən.
Nji ɗang manda la'a ndo ləvəra
ndo hətə Tlakə ka sər wovi kənda.
4 Ndər papa'akur ngə
ndə nda fiya Tlakə ka sər wovi nyi,
ndə nda pa'a da kwa dləukər na njir həkəra kərnənda,
ana nji'inda kwa həsəli nə katəu.
5 Hyel Tlakə ɗa, a mərtə ea tə kə sər muniya ɗanghəu.
sənda ka ɓatləya ka ea ɗang gagaɗa.
A ndə da papiya da kə wa.
ma ya na yo ndər təkəri ka ya dəkəbiya nda,
nda kwa ɗa ɗang tsa gəlari.
6 A da ka gwa'a hatəmachi ana ga'a wa;
a da ka gwa'a sər shishi ka hatəmachi kyatə dzəgana
ndara hatəmachi ka hənda səpəla'a wa.
Təvira ənga, ka na'a himi ka ga ya ngatə ngha.
7 Təma ngə ya na, <<janə ya, a shiltə ya,
tsəfətsəfənyi təkəra ya ku likatlikatə.
8 Hyelləu ya kwa i mər sənda ka kwa i,
gadlagadla nghə tsəfətsəfə nyi aku ɗəfwa ya.>>
9 A natə nyi təya nə dəhə nji sənda təkəra jirikur ngha.
A ləvər da tə təɗa tsa dəkəbiya wa,
wi nda nakə Tlakə tə zəndə.