36
5 Tlakəu, nyida ngha nda kəla kwa wura həyatə huɗaməlləm;
jirikur ngha a təra tə gyamar ləbəkəu.
6 Tsangkur ngha wi ngə tə mangu wawa'a,
jirikur ngha wi ngə tə kwar dəl na ndzəɗaku.
Tlakəu, ko ɓəla nji ana sər shishi dəhəu.
7 Ana mi nja kwa məməla nyida nghə Tlakəu!
Dəhə nji kwa uya mbwar ngya
da kida shanguɗa babəka ka.
8 Ndo mər ladər na gwangkur sər sum nda ku mbwa'aləngha,
ko nənda sər sa ku dəl nə mənakəkur ngha.
9 Nakə ngə tsədzəɗər pi;
aku mbəlmbəl ngha ea la'a vi mbəlmbəla.
10 Nyida nji inda kwa zəndəngha,
tsangkur ngha nə nji inda tsatsa'a ku ɗəfu.