30
10 A ku nyida ana jirkur, Tlakə kwa nəuna
nji kwa gəzəya alkawal nyi ana nəu sənda i.
11 Aka ngam tləm nghə Tlakəu,
far səpəla'a ɗa, mada ngə 'ualəu.
12 Wa ngə ja, ndə nga kwa ləvər Tlakə ngə nga?
Cho char nyi laku nda cha tabayi nyi.
13 Cho wurandə ngya nyi ku waha,
ya ndəla cha kwa shil fa'abiya ki na hə'i na.
14 Tlakə kwa dləukər na nji inda kwa ləvər nyi;
cho dlədləɓə tə nda nda zəndəbiya alkawal nyi.
15 Mada sakamani lya tə Tlakə tanyi,
aka nacha zhang tanyi nga kwa kanda ɗa tsa mwandəzhi.
16 Sha shilda ya ka ɗa na tuhuɗə təkəra ya,
aka naya zhang ta ɗa ya dunama da wa.
17 Ɓwaɓwatər ɗufwa aɗatə gwang;
dləuya ɗa ku ɓwaɓwatu na.
18 Dzama ɗa izana, ana ɓwaɓwatu ɗa na
ka handa dəhə səpəla'a ɗa i.
19 La'a ənda njir dawa ɗa tə tsaka
ana chul kə ndahuɗəvi nda ndo char ɗa!
20 Kəkatə ɗa pya ya ka dləuya ɗa;
ngwa ka da ngya ɗa ya sa kuzhi wa,
aka a ku ka yo uya mbəɗa.
21 ngwa mənakəkur ɗa ana tsatsa'akur ɗa ɓəlatə ɗa,
aka a da ka yo fəkər.
22 Dləuya njir Israila Hyelləu,
aku dəhə ɓwaɓwatu kənda.(Zab. 130:8)