22
1 Hyel ɗa, Hyel ɗa, mya gwa'atə ka ngya ɗa?
Mya gwa'atə ka ɗa naɗəu tsa dləuya ɗa,
naɗə a tsa tsəhuɗə nda yo məra?
2 Hyel ɗa, ya nga nghə puchi, amma a da ka wum wa,
əvu'i, a da ya tuɗəm wa.
3 Dəhə ka ənga ndə Karti ka;
nakə sər fala nə njir Israila.
4 Ana ka jival kə ea kwa wovi;
nda wovi naka, ngə ka dləuya.
5 Nda tiwi nəngha, ngə nda mbəɗa,
ana ka nda wovi ngə a da nda sa kuzhi wa.
6 Kəl ja naya zəɗəmi ya, da ya ndə wa,
kala ndə tə həyatə ga ngyari.
7 Dəhə ndə nda la'a ɗa kwa gyaɗi ɗa,
nda kwa chaɗa na nya, nda kwa gəgəɗə kəra nda:
8 <<Cha wovi na Tlakəu,
ngwa Tlaka dləuya nyi.
Ngwa cha dləuya nyi,
mangə cha kwa ngatə məsɗakəkur nyi.>>
9 Nakə ngə tə həbiya ɗa ku ta,
ka mərtə ɗa ya wovi naka
mada ku saka nda yo sa 'ua amaɗa.
mbəɗəndə ɗa tsa tələma fur.
22 Yo bəzəya nyi tləmə ngha nə ka zaməɗa;
ku dlama nji yo falə ngha.
23 Nahi nda kwa ləvər Tlakəu, hya falnyi!
Nənyama səli, dəhə hi nya ndəla Yakubu!
Hətə nyama səli, dəhə hi nya ndəla njir Israila!
24 Aka a cho ngyari ndara həyati
ɓwaɓwatur ndə butubutu wa;
a cha ɗəwanda huɗəma cha tsa cha wa
amma cho səya hima nda tiwi nyi ka cha vala nyi.
25 Ku pama dlama nji yo fal ngha aka sənda ka mərtə ɗa;
Yo nyabiya səmfəla ɗa amar nji nda kwa həsəli nəngha.
26 Nji ɗaliɗali kwa shil səm sə ndo nyi;
nji inda kwa gwa'a Tlakə ndo falnyi
ɗəfwanda kwa mər hirgyaɗi ka ba'anwa!
27 Dəhə dunəya kwa ɗənghatə na Tlakəu.
Mada mani ku dunəya ndo ɓəl shilda cha;
dəhə jul nji kwa shil həsəli nənyi,
28 aka təlkur nə Tlakə nga
cha kwa səm təlkur təkəra dunəya dəhəu.
29 Dəhə njir bu kərnənda ku dunəya kwa uzhia huɗənyi;
dəhə nji nda kwa ɓəl go hə'i ndo uzhi həɗənyi
nji nda kəla na gyalkur təkəra pya nda.
30 Ngulisha'a kəmən kwa həsəli nənyi tsəu.
njo shil narnyi sə təkəra Tlakə nə jul nji nda kwa ɗa nda shil biyama.
31 Ndo bəzəya tsangkur nyi,
nə nji nda kəl nja ta ya
<<ənda Tlakə tə dləuya nji nyi.>>