8
1 Yawa Tlakəu, Tlakən ea,
A zəndə tə nji dəgalkur tləmənghə mada mani ku dunəya dəhəu!
Faləngha gi tə gi huɗamələm i.
2 Tə chirchir nya ngulisha'a ana nguli dizəu
ka fu fala, ngam ka njir dawa ngha,
ka ta'indi njir dawa ana njir ki sukur.
3 Sakanda ya la'a huɗaməlləm ti,
tlər chakə ngə i,
hya ana sasəlga i,
nda ka fiya nda tə mbwar ngya,
4 mi ngə ndəa nda ko ɗənghatə na cha?
Zər ndə tanyi nda ko nəuna cha?
5 Dəhə ka ənga ma nakə wa, a ndə da tə ndiya nyi wa,
ka mbanda nyi kər ku dəgalkur ana səli.
6 Ka fiya nyi cha səm təlkur təkəra sənda ka məra na chaka;
ka fətə kala səu da kida hya cah:
7 dəhə biri kətəng ana tla i,
ana kum takəu i,
8 eyakə inda kyatə gyang,
ana kalfi inda ku dəl dəgaləu,
dəhə sə'inda kwa ma'i ku dəl dəgal i.
9 Yawa Tlakəu, Tlakən ea,
a zəndə tə nji dəgalkur tləmnghə ku dəhə dunəya!