21
4 Təma ngə njir Israila tə ngyar Kəram Hor ga nəu laku ndo yi tahəu dəl dəzəu, tsaka ndo tyatinda hə'i Edoma. Kəl ja, mbahuɗə nji tə tutətanyi ku lakur ma'i,5 ngə nda go huhuni təkəra Hyel ana Musa, nda na, << Mya gwa'atə hya fa'abiya ea vu Masar ga shilnda ea ku dadil na ka ea tah? A gwazhilakə da wa! A ɓiti da wa! Ya a tsə'u eo gwa'a chul sərsum kəla kərna nə wa!
6 Təma ngə Tlakə tə sətə pwabu inda na kəlpə ku pama nda; ngə nda ngal nda nji, ngə tə ɗa njir Israila ɗang tə kuɗa. 7 Ngə tə shilda Musa ga na, <<A mərtə ea səpəla'a ku skanda ea huhuni təkəra Tlakə ana kəra ka. Pətlənya tsaka Tlaka hənda pwabu ina ku pama ea.>> Əngə Musa tə pətlənya ka nji nda.
8 Tlakə tə narnya Musa, <<Sər ka gwa'ari ndzəu ka fatəbiya pwabu nə ka hakətə tə zwa ka chiya, kala ndə nda pwabu tə ngaliya macha ndzamari cho mbəa.>> 9 Kəl ngə Musa tə fatəbiya ndzəa ka pwabu ga hakətə tə zwa.Ngə tə ɗa ma kala ndə nda pwabu tə ngaliya, ngə cha ndzamari pwabu nda nja fatəbiya na ndzə nda, cho mbəa.