Miya fala
12
1 Aku biji nga ko na: <<Tlakəu, yo falə ngha, mada ngə huɗakə tlatə tsaya, huɗətla nghə təra tə ya fətə ɗa təkə ɗəfu. 2 Vələu Hyel ngə ndər dləuya ɗa; yo dləukəri a da ya kwa ləvər wa. Tlakəu, Tlakə ngə dunama ɗa ana miya ɗa; a ɗatə cha ka dləuya ɗa.>> 3 Ana hirgyaɗi hyo təɗə ɓiti ku dəl nə dləuya. 4 Aku biji nga hyo na, << Usaku ma Tlakəu, nga ma tləmənyi; nar nyi ma nə nji sənda cha mərtə hi, ana hya bəzə ənda tləmə nyi ngə tə ndiya. 5 Na ma miya fal Tlakəu, aka cha mər sər muniya i, ngwa dəhə dunəya zəndə. 6 Har ma kurakəu, hya na miya hirgyaɗi, nahi njir Sihiyona, aka Ndə Karti nə Israila nda ku pama hi ndə dəgal cha.>>