Cha wua ku nya dləla Jesi
11
1 Taɗər wua kwa tləa hya'atə ku nyandəla Jesi; hya'atə ku ngilangha cha cha wua kwa ya. 2 Shanguɗə Tlakə kwa səya təkəra cha, Shanguɗə nə dəma ana ngabiya, Shanguɗə nə mbari ana gyalkur, Shanguɗə nə zəndə ana ləvər Tlakə, 3 cho ləvər Tlakə ku məsɗakəkur. Da cho mər nəuma ka sənda cha la'a na lya cha ndara sənda cha ngatə na hima cha wa; 4 kəl nda ku tsatsa'akur cho mər nəuma ka nji butubutu, aku jirikur cho tlandənyi nəuma nə nji butubutu nə dunəya. Cho dəgəya dunəya na ɓwanya nda ku nya cha; ana səpi nə nya cha cho tsəya nji ɗimi. 5 Tsatsa'akur kwa ngya ka gyarakənyi, jirikur tsəu kwa ɗa ka mbadzənyi. 6 Ularvoa kwa ngya na zər kətəng, mapəlau kwa piya na kwah, zər daləu ana ləvəri kwa ngya tə mbwar zhang, ana zər kushu kwa ɓəla nda dəhəu. 7 Tla ana bear????? kwa bəla tə mbwar zhang. Nguli kənda kwa piya tə mbwar piya zhang. Ləvari kwa ɗə sar wi tla. 8 Zər dizəu kwa təla ləhə dza ka'u pwaɓərvu'i, zər kushu tsəu kwa fəu cha cha go ka'u chitlə'i a cho ngalnyi wa. 9 Aku kəramə ɗa nda karti a sə da kwa takasəya ndara ɗiya ndə wa, aka wi ngə tə ɓiti kwa nyandə dəl, əngə tanyi tsəu dunəya kwa nyi na nji nda kwa zəndə Tlakəu. 10 Aku bəji nga ndə nda kwa fa'aki na dzəga təlkur Dauda kwa shilna tatawal nə dləuya nə dunəya dəhə. Dəhə nji kwa whi shil da cha, hə'i nda cha na ngya kwa tsəu kwa ɗa ka mbwanda na səli.