1
4 Tlakə tə nar ɗa,
5 "Təvi ya ɓatlətə nghə ku ta a zəndə ngə təya,
təvi nja ya ngha a mərtə təya karti;
ya fiya ngha ka ndər mətakər nə nji dəhə."
6 Ngə ya wuma ga na, Tlakə da ya kwa nau ndər wa; tsə ta ɗa kushu."
7 Amma ngə Tlakə tə natə ɗa, "Ngwa ka da na, zər ya wa." Tuku ko ma'i ki da kala ndə nda ya sənghə ti, ya dəkə biya dəhə sənda ya natə ngha. 8 Ngwa ka da ləvər nda wa, aka tsa'a ya naka, ya yo dləuya ngha." Naya Tlakə nga tə na.
9 Təma ngə Tlakə tə har cha cha ga tsəkar nya ya ga natə ɗa, "Sakana, a futəya wanya ɗa ku nya ka. 10 Ənya, a nənghə təya gyalkur təkəra hə'i pampamə ana təkəra təl-təl i, ko təsanda, ana ko tanda, ko zhazhanda, ko bəlati, ko hərti ko chiya."
11 Ngə ɓwanya Tlakə tə shil da ya, bəra: "Mi ngə ko la'a Irmiya?"
Ngə ya wuma ga na, "Cha wur Almod,"
12 Təma ngə Tlakə tə nar ɗa, "A la'a tə kə təkəɗəu, aka kwa ndzam nghə ya, ka ya la'a ənda ɓwanya ɗa nyabiya tə dza."