2
4 Ngatə ma ɓwany Tlakəu, na hi nya ndəla Yakubu, ana dəhə julkə Israila.
5 Janə sənda Tlakə tə na:
<<Chul bikə man jival kəhi tə uya ɗa ni,
nda tə gwa'atə nda ɗa naɗə tsa ya?
Nda həsəli nə katə nda kəla sakəda
nanda ma tsəu ngə nda ɗa kəla sakəda.
6 Da nda ɗəngha na ya wa,
mada ngə ya dləuya nda vu Masar
ga nəuna nda ku takəu:
tahəu dadil ana tsung,
atə hə'i 'ulə'ula nda pa nja kwa nəuwa
a ndə nda kwa ngya kwa wa.
7 Yaa shilna hi tə hə'i nda na papa'akur kwa,
ka ga hya ngatə məsɗakəkur hya mər sakəda ni.
Amma ngə hya gwa ga səwandə ga dyaməndi hə'i ɗa,
ga shandə sər fa'a ki ɗa tə ɗa ka sər həyatəvi ana həɗa.
8 Fərist i tsəu a da jau, aman Tlakə wa?
Nji inda kwa zəndəbiya gadlagadla nəuma i tsəu da zəndə ɗa wa;
nji təltəl i nda tliya mwali təkəra ya.
njir mətakər nda shilna takər ku tləmər Ba'al,
nda nəu alinya sənda kəla sakəda.
9 <<Aka əngə ja, naya Tlakə yo shilna hi amar təmbəl nə nəuma.
nahi ka ngulisha kəhi ka ajinə hi, ka jivalkəhi.
10 Dləgəlbiya ma biya tə mbəta nə kittim,
təwa təɗər pəchi, hya la'a, hya səa yi Kedar təwa zədər pəchi,
hya ndzamətə mənakəu, a ta tə nja mər chul sə wi ngə ya?
11 Alinya jul nji da ta bəlatə Katə kənda ana taɗər vanyi,
mada ngə sə ɓwatanyi nda ya?
Amma na'a na nji tə bəlatə səli kənda ana sənda
kəla da na pi.
12 Nahi huɗaməlləm, hya mər məngəl na sənən na,
hya ngatə ləvər gagaɗa,
hya mər huɗətla 'ual'ual, ənghwandə Tlakəu.
13 <<Na'a na nji tə mərtə ɗa səpəla'a tsa'a mətləu:
nda təkəbiya dzaɗə naya,
naya nda tsədzəɗər ɓitir pi,
nda labiya nya nə kərnənda ka'ur ɓiti,
ka'ur ɓiti nda kəla kwa gəzəya ɓiti.