6
1 A ku fa nda təl Uzziah tə ta, ya la'a Tlakə tə ngya ku dzəga təlkurnyi, nda dzəgamə ana səli, dzaki nyi tə nyandə mbwa'alə nyi.2 Gi kəra cha alinya sər pi, kala zhang ana babəkə kwah: Nda mbunda huɗəma nda ana babəkə mətləu, nda mbuya hyanda ana mətləu, ndo fəla ana mətləu.3 Ndo nga kərnənda; <<Karti, karti, karti ngə Tlakə ndər gyalkur,
dəhə dunəya a nyitə na səlinyi.>>
4 Ngə kurakanda tə dzədzandə mbwa'alənda fwatə tə hya cha, təma ngə eyar tə nyandə.
5 <<Ngə ya na, sər təhuɗə naya! Aka naya ndər səpəla'a ya, chichir nya ya da karti wa, ana ngya ku pama nji inda chichir nya nda karti wa, ya lya la'a ti təl, Tlakə ndər gyalkur.>>
6 Təma ngə zhang ku huɗa sər pi inda tə fəl shila kəra ya ana ngushi kwa gəɗa ku cha cha, cha hətə na mətətlə kyatə dzəgana. 7 Ngə cha tsəkar nya ya nə ga na, <<La'a, səna tsəkar tə chichir nya ka; a hənda tə nji bikə ngha, a far tə nji na səpəla'a ngha.>> 8 Təma ngə ya ngatə kuraka Tlakə kwa na, <<Wa ya kwa sa? wa nə o ma'i ka ea?
Ngə ya na, <<Janə ya. Sə ɗa!>>