5
1 Yo na miya nə ndə nda ya kwa niyda
miya təkəra fa nyi:
Ndə nda ya kwa nyida da na fa
a kyatə dəgəl nda na kuɓu.
2 Cha latə ga ɗəmbiya mangu kwa
ngə cha chitə wur anap nda mənakə.
ngə hərtə mbwa səkə kwa
ngə labiya ka'u kwa ka ɓitsəu yayar anap.
Təma ngə cha go səkə nda yayar anap kwa na,
amma tə biyandə yayar wu ɓwaɓwa'a.
3 <<Sakan ja, nahi njir ngya ku Urshalima ana njir Yahuda,
mər nəuma ku pama ya ana fa anap ɗa.
4 Mi ngə vanyi kwa nda nja kina mər aka fa ɗa nga
matsa sənghə ya mərtə nyi nga?
Ma sakanda ya gwa'a yayar nguli mənakəu,
mya gwa'atə cha biyandə kəl ɓwaɓwa'a nya?
5 Sakana yo natə hi
sənda yo mərtə nya nə fa ɗa nga:
Yo fa'anda ngakə ngə tə ɓandə nyi nga,
ya səwandə nyi;
Yo huɓənda tlavərki nyi nga,
ya njo ghighinda nyi.