12
1 Ka ɗənghatə na ndər ɓatlə ngha,ku bəjir tlakalakur ngha,
təvi bəji ɗimiɗimi kwa shili
ana fa nda kwa shili nda ko na,
<<A da yo ngatə məsəɗakəkur kənda wa.>>
2 Təvi vi cham nə pəchi ana hya ana sasəlga gwa ku kutla, ləbəkə tsəu da tsəmətə dza a hir nja wurndə təɗə par. 3 Ku bəji nga cha kə nda tə ɓəlatə ngha kwa dzədzi, hya kə ngə na dunama sakan nga kwa ɗa kutəlaɓəu. Hira ka kwa pəpa kwa həyadzə yiɗautanyi ku nyaka, lyaka kwa ɗa dərgədləu nda da kwa la'a sə charasə wa. 4 Hima ka kwa datədza na kurakə nda ku yawaraki. Dza'u cho ngatə kuraka hangu ha'a ndara kuraka njir na miya mando na, kəl ja mada kuraka eakə kwa hayandə nghə ku hanyi. 5 Ləvər kwa səya ngha tsa gyatə dəgəl, ma'i kwa ɗa mwandəzhi nəngha. Shishir kəraka kwa sha pərtə tyaləu, dzadza'u ko zahkə kərngha ka ma'i, huɓər malaku kwa uwra. Məno ɓəl gu hwa batəbatənya mbwar ɓəlsar kəmən, njir sə'ingwa ka məsazau kəl nəu pama yiwara ki kwa gi kwa səya. 6 Aka əngə ja, ka ɗangha tə na Tlakəngha təvi sə'ir pi na bəjingha tləa, ndara kyawa zinariya ɗa pətla; ndara shala gwadəl ɗa pətla tə nya fa'adəl, ndara ma sə'i a tlətanyi atə ka'ur dəl. 7 Sakangə ja bərbər da ɓəla go hə'i nda cha zəbəya kwa, ahir nga mambəl kwa ɓəla gyada Hyel Tlakə nda nəmən. 8 <<Ɓwatanyi! Ɓwatanyi!>> <<Kala səu ɓwatanyi!>> ənghwandə ndər bəzə ɓwanya mənakəu. 9 Aka ngam ndər bəzə ɓwanya mənakə na dəma, cha dlədləɓə nə nji sənda cha zəndə. Cha səndzi hima da ba'ada i mənakə, ngə cha gwahibiya ga ngabiya nda ngə cha dzətə jirikur kənda. 10 Malləm na tə gwa'abiya ɓwanda tsatsa'a, ngə tsəfəbiya nda tandarəu ya jiri tə babal. 11 Ɓwnyar njir dəma wi zəwa ndər ɓəla cha nda cho nəuna kətəng nyi ni, ɓwanyar ba'ada kənda wi ngə tə kusa cha nda nja dəgə go dza səu kwa ngya ku nda. Hyel nga tə nənda, ndər ɓəla mən dəhəu. 12 Zər ɗa, vanya sə nda səkə da yo i ka hakila ni. A ɓələkər tsəfə likatlikatə da wa, ya gwahi likatlikatə gagaɗə ngə tsəu kwa həɗəndə ngha.