3
1 Ngatə ma mafakə nə Tlakə tə na tə kəra hi na, njir israila ana Yahuda, ana dəhə nahi nji inda ya fa'abiya vu Masar.2 <<Aku dəhə njir dunəya, nahi ngə səkəhi ya tabiya, aka ənga yo ɓuhi aka səpəla'a kəhi.>>
3 Nji mətlə kwa mbar ma'i ku laku
kəla nda dləkəri təkərnənda ya?
4 Kwa nau ɗa ləvara ləla ku kubu
ya a cha səya kum wa ya?
Kwa nau cha ghəghi ku dləl
ma'a cha səya sə wa ya?
5 Eayakə kwa nau təɗə səya hu'i ku ləbam
tə mbwanda a nja ngəya nyi ləbam wa ya/
Ləbam kwa nau dəla tanyi hu'i
ya a sə da cha səya wa ya?
6 Ma sakanda nja mbəɗiya tələm tə ku məlləm,
a nji da kwa dzədzə ma?
Kwa nau mwandəzha shili ku məlləm,
da na zəndəkur Tlakə wa ya?
7 Vəlvəl a Tlakə ndər gyalkur da kwa mər kala səu
a cha natə nyi sənyi nda ɓatlicha
nə kadakaliya nyi ndər mətakər wa.
8 Ləvara tiwi ti,
wa kəla kwa ləvəra?
Ma sakanda Tlakə ndər gyalkur tə ɓwanya,
wa kwa ngyar bəzə mafakə nya?