Manasa tə Ɗa ka Təl Yahuda
21
1 Fa Manasa kwabəmətlə ma cha ɗa ka təl, cha səm təlkur vu Urshalima fa tufəkumnyi parnya tufəu. Tləmər ama nyi Hafziba. 2 Cha mər sə ɗimi tə lya Tlakəu, ga mər sər həɗə inda jul nji inda Tlakə tə gədlənda mar njir Isra'ila. 3 Cha ɓəla hərtə mbwar həsəli nə katə inda kyatə dəgəl, inda ada nyi Hezekiya tə wazənda inda. 4 Cha hərtə dzəgana i'i ku mbwa'alə Tlakə nda, tangnda Tlakə tə na bəra, <<A vu Urshalima njo nga tləm ɗa ti.>> 5 Aku vi nəuma inda kya'a, cha hərtə dzəgana i'i aka dəhə njir huɗamələm. 6 Cha handa təmachi nə nginda ana zər nyi, cha hakəza ga mər sər bushin, cha daɓtəkər ka ka mambə nji kuɗəkuɗa. Cha mər sə ɗimi gagaɗə tə lya Tlakəu, ga gwa'atə huɗa cha tla. 7 Cha hətə səlirma Ashera ga fiya ku mbwa'ala, tangnda Tlakə tə nar nyi nə Dauda ana zər nyi Saloman bəra <<Aku mbwa'alə na ana Urshalima, nda ya tabiya ku huɗa jul njir Isra'ila, yo fiya tləm ɗa ba'anawa. 8 Ma njir Isra'ila tə nəubiya dəhə sə inda ya tsau nda bar ga ɓəlatə dəhə gadladla nda mava ɗa Musa tə nda, a tsə'u yo gwa'atə hya nda kwa ngyar hə'i nda ya nə nyi nə kə'i jival kənda wa. 9 Kəl ja, nji da səhimi wa. Manasa tə shandə nda kər tə gwa'atə nda tsakətə mər sə ɗimi ndiya matsa jul nji inda Tlakə tə kuɗənda mar njir Isra'ila. 10 Ngə Tlakə tə na təwa nya mava nyi ndər mətakər,