Nyandəla Roben
5
1 Roben ngə zər tangərma nə Isra'ila. Kəl ja, aka cha piya na kwatəra adanyi ngə cha tar mbaɗə nda njo kina nənyi nə zər tangərma, ngə nja hətə mbaɗə nda ga nənyi nə nguli Yusufu. Aka ənga a da nja fə Roben ku jiga nda nja mər wa. 2 Mada ngə, nyandəla Yahuza ngə tə ndiya na dunama ku huɗa alenya nji, ya nanda ngə tə biyandə təl, dəhə ka ənga, mbaɗə na zər tangərma ku cha nyandəla Yusufu. 3 Nguil shili Roben zər tangərma nə Isra'ila nanda ingə, Hanok, Fallu, Hezron ana Karmi. 4 Nguil shii Joel fwatə ku zamin yo vanya zamin nanda ingə, Shimaya ana Gog ana Shimeyi 5 ana Mika, ana Reyaya, ana Ba'al, 6 ana Beyera nda təl Tiglat Filnesar nə Asuriya tə fa'atə kyo mavakur. Beyera gau cha ku nyandəla Roben. 8 ana Bela, zər Azaz, ajinya Shema ku nyavi Joel. Nyandəla Joel tə ngya ku mətla Arowa kwa'a nə Baal Meyon. 9 Manda tla tsa nda ɗanghə atə hə'i Giliyad, ngə wiɗətəkər təwa zədərpəchi tsa'a gwa nya lya wu təwa dəl Yufəritis.
10 Aku bijir Sawul, nyandəla Roben tə pah njir Hagara ga kuɗənda nda ku pah, nda ngya ku hə'i i'i nə Hagara inda təwa zədər pəchi Giliyad.
Nyandəla Gad
11 Nyandəla Gad tə ngya təwa vwa nə nyandəla Roben ku mətla Bashan, tsa'a Saleka təwa zədərpəchi. 12 Joel ngə təl, ndə nda kwa nəu nyi tsəu Shafam, ətsəu kə'i Yanai da ana Shafat. ana nanda ingə nja ghəya Bashan.
13 Alenya nji inda ku nyavi k;unda tsəu nanda ingə. Mikayel, ana Meshullam, ana Sheba, ada Yorai, ana Yakan, ana Ziya, ana Eba, nanda məɗəfə nda.
14 Inənə ngə nguil shili Abihayil zər Huri jival nya Yarowa zər Gileyad, zər Mikayel, zər Yeshishai, zər Yado ku ki Buz.
15 Ahi zər Abdiyel, jival nya Guni gau təkəra ki ajin nda i'i. 16 Nyandəla Gad tə ngya vu Giliyad aku mətla Bashan ana mələm inda tə ɓandənyi, dəhə ka vir ɓəla sərshishi nə Sharon.
17 Nja tsəfəbiya dəhə tləm ina ku likatkatə giniyoloji ka jival kənda, ku biji nda təl Yotam nə Yahuda ana təl Yerobowam nə Isra'ila kwa səm təlkur.
Nji'inda na Ngya təwa Jodan
18 Ləvaləva inda ku nyavi Roben, Gad and mar nyandlə Masana 44,760 inda pəlakə biya ki dla'a 19 Ngə nda biya ki dla'a kə'i nyandəla Hagar, njir Jetur ana Nafish ba'a Nodab. 20 Nda ta'i ka Hyel ga tiwi nə Hyel ka gwa'a vala, ngə Hyel tə wumə nənda ga gwa'atə nda kura njir Hagar ana njir dawa kənda, aka nda nda ta'i ka Hyel. 21 Ngə fa'atə səshishi njir Hagar, dləgwam 50,000, kətəng 250,000, kwara 2,000. Ətsəu nda fa'atə nji 100,000 ana pi. 22 Nja kuɗənda njir dawa ɗanghəu aka pah nda nə Hyel nga. Nda ngya tə hə'i nda ba'a nə biji nda nja fa'atə ka ki mavakur tə vanya hə'i.
Mar Nyandəla Manasa
23 Nyandəla Manasa inda təwa zədərpəchi ɗanghə gagaɗa. Nda ngya tə hə'i Bashan tsa'a yi Baal Hamon, Senir ana Dəgal Hamon ya ngə nda tsakə na ɗangkur gagaɗa. 24 Nji'inənə ingə njirawawa'a kənda, Efa, Ishi, Eliyel, Azriyel, Irmiya, Hodaviya ana Jahdiyel. Njir nau pah inə gagaɗa ya təlmənda tiwi tə nyavi nyavi kənda. 25 Kəl ja, nji'ina ɗa kangal nə Hyel jival kənda, nda go mə zawarku təwa həsəli nə katə alenya hə'i, nji'inda Hyel tə kuɗənda kanda nau ngya ku hə'i nga. 26 Ngə Hyel Isra'ila tə tsafətə ɗəfwa Pul təl Asiriya, nacha ngə TiglatPilesa təl Asuriya, Cha fa'a nyandəla Roben, Gad ba'a mar nyandəla Manasa kyo mavakur. Cha fa'atə yi Hala, Habor, Hara ana dəl Gozan, bwanda nda tə ba'a tə bijin ənya na.