خطِ دوّمِ پِترُس
پیشگُفتار
خطِ دوّمِ پِترُس بَلدِه تعدادِ کَلونِ ایماندارای نوِشته شُده که دَ امزُو زمان زِندگی مُوکد. هَدَفِ اَصلی امزی خط ایسته شُدو دَ برابرِ تعلِیم_های غَلَط و فِسادِ اِخلاقی اَسته که امزُو تعلِیم_ها دَ وجُود اَمدُد. پِترُس بیان مُونه که شِناختِ صحیح دَ بارِه خُدا و مَولا عیسیٰ مسیح مِیتَنه مو ره امزی مُشکِلات بُرو بیره. شِناختِ صحیح دَ وسِیلِه کسای دَ دِست مییه که عیسیٰ مسیح ره دِیده و تعلِیم_های شی ره شِنِیده. پِترُس امچُنان دَ برابرِ کسای ایسته مُوشه که دُوباره اَمَدونِ مسیح ره اِنکار مُونه. اُو دَ جوابِ ازوا مُوگیه: دلِیلِ ازی که مسیح دَ دُوباره اَمَدون خُو دیر کده اِی اَسته که خُدا نَمیخایه کس نابُود شُنه، بَلکِه میخایه که پگ توبه کده نِجات پَیدا کُنه.
فهرِستِ عِنوانها
دُعا و سلام (فصلِ ۱ آیِه ۱)
اِنتِخاب و کُوی شُده_های خُدا (۱:۳)
پیشگویی از کِتابِ مُقَدَّس (۱:۱۲)
معلِمای دروغی و تباهی ازوا (۲:۱)
وعدِه اَمَدونِ روزِ خُداوند (۳:۱)