کِتابِ اوّلِ پادشایو
پیشگُفتار
کِتابِ اوّلِ پادشایو اِدامِه کِتاب های اوّل و دوّمِ سموئیل اَسته که دَ بارِه تارِیخِ پادشاهی اِسرائیل نوِشته شُده. اِی کِتاب ره مُوشه که دَ سِه بَخش تقسِیم کنی:
۱. فَوتِ داوُود پادشاه و جانِشِینی سُلَیمان دَ عِنوان پادشاهِ اِسرائیل.
۲. حُکمرانی و دِست-اَوُرد های سُلَیمان پادشاه، خصُوصاً آباد کدونِ خانِه خُدا دَ اورُشَلیم.
۳. تقسِیمِ سرزمِینِ اِسرائیل دَ دُو حِصّه: شمالی و جنُوبی. حِصِّه شمالی بعد از تقسِیم «اِسرائیل» نام ایشته شُد که پایتَخت شی شارِ سامِره بُود و حِصِّه جنُوبی «یهُودا» نام ایشته شُد که پایتَخت شی شارِ اورُشَلیم بُود.
دَ امزی کِتاب هر حُکمران دَ مُطابِقِ صداقت و وفاداری خُو دَ خُدا قضاوَت مُوشه و کامیابی بَنی اِسرائیل ام دَ صداقت و وفاداری ازوا بَستَگی دَره. امچُنان دِیده مُوشه که هر وختی بَنی اِسرائیل بُت-پرَستی و نااِطاعَتی مُونه اُونا دُچارِ بَلا و مُصِیبت مُوشه و غَیتِیکه توبه کده پس سُون خُدا مییه، کامیابی و آرامِش نصِیبِ ازوا مُوشه. پادشایونِ «اِسرائیل» کَلو شرارَت کد که اوّلِینِ ازوا یرُبعام باچِه نِباط بُود؛ اُو مردُم ره از راهِ خُدا بُر کده سُون بُت‌پرَستی بُرد و باعِث شُد که مردُمِ اِسرائیل گُناهِ کٹه کنه. پادشایونِ «یهُودا» یگ تِعداد شی شرارَت کد، ولے یگ تِعدادِ دِیگِه شی دَ خُدا صادِق و وفادار بُود که نیکنام‌ترِین ازوا حِزقیا و یوشیا بُود.
یکی از مَوضوع های مُهِمِ کِتابِ اوّلِ پادشایو دَ بارِه ایلیا نَبی اَسته که از طرفِ خُدا باجُراَت توره مُوگیه و مردُم ره از بُت-پرَستی مَنع کده سُون اِطاعَت و عِبادتِ خُدا دعوَت مُونه.
فهرِستِ عِنوان ها
دَورونِ پِیری داوُود (فصلِ ۱ آیِه ۱)
کشمَکش دَ بارِه جانِشِین شُدونِ داوُود (۵:۱)
سُلَیمان پادشاه مُوشه (۱:۲۸)
نصِیحَتِ داوُود دَ سُلَیمان (۲:۱)
فَوتِ داوُود (۲:۱۰)
حُکمرانی سُلَیمان پادشاه (۲:۱۳)
درخاستِ سُلَیمان از خُدا (۳:۱)
حِکمتِ سُلَیمان (۳:۱۶)
اَعضای دربارِ سُلَیمان (۴:۱)
تَرَقی و شُهرَتِ سُلَیمان (۴:۲۰)
حِکمتِ سُلَیمان (۴:۲۹)
آمادگی بَلدِه آباد کدونِ خانِه خُدا (۵:۱)
آباد کدونِ خانِه خُدا (۶:۱)
سُلَیمان قصرِ خود خُو ره آباد مُونه (۷:۱)
وظِیفِه حِیرام دَ آباد کدونِ خانِه خُدا (۷:۱۳)
اَوُردونِ صندُوقِ عهد دَ خانِه خُدا (۸:۱)
دُعای سُلَیمان (۸:۲۲)
وَقف کدونِ خانِه خُدا (۸:۶۲)
خُداوند بسم دَ سُلَیمان ظاهِر مُوشه (۹:۱)
کارای دِیگِه سُلَیمان (۹:۱۰)
ملِکِه سَبا دَ مُلاقاتِ سُلَیمان مییه (۱۰:۱)
مال و دَولَتِ سُلَیمان (۱۰:۱۴)
خاتُونوی سُلَیمان (۱۱:۱)
دُشمَنای سُلَیمان (۱۱:۱۴)
شورِشِ یرُبعام (۱۱:۲۶)
فَوتِ سُلَیمان (۱۱:۴۱)
شورِشِ طایفه های شمالی دَ خِلافِ رِحَبعام (۱۲:۱)
گوسَلِه طِلّایی یرُبعام (۱۲:۲۵)
مَردِ خُدا دَ بارِه یرُبعام پیشگویی مُونه (۱۳:۱)
اَخیا دَ ضِدِ یرُبعام نَبُوَت مُونه (۱۴:۱)
پادشاهی رِحَبعام دَ یهُودا (۱۴:۲۱)
اَبیام پادشاهِ یهُودا مُوشه (۱۵:۱)
آسا پادشاهِ یهُودا مُوشه (۱۵:۹)
ناداب پادشاهِ اِسرائیل مُوشه (۱۵:۲۵)
پادشاهی بَعشا دَ اِسرائیل (۱۵:۳۳)
ایلاه پادشاهِ اِسرائیل مُوشه (۱۶:۸)
پادشاهی زِمری (۱۶:۱۵)
پادشاهی عُمری دَ اِسرائیل (۱۶:۲۱)
پادشاهی اَخاب دَ اِسرائیل (۱۶:۲۹)
پیشگویی ایلیا نَبی دَ بارِه خُشکسالی (۱۷:۱)
ایلیا و خاتُونِ بیوه (۱۷:۷)
ایلیا و عوبَدیا (۱۸:۱)
پیروزی ایلیا دَ بَلِه اَنبیای بَعل (۱۸:۲۰)
ایلیا دُوتا مُونه (۱۹:۱)
ایلیا خُدا ره دَ کوهِ حوریب مُلاقات مُونه (۱۹:۱۱)
ایلیا اِلِیشع ره کُوی مُونه (۱۹:۱۹)
بِن‌هَدَد دَ بَلِه سامِره حَمله مُونه (۲۰:۱)
پیروزی اَخاب (۲۰:۱۳)
حملِه دوّمِ بِن‌هَدَد (۲۰:۲۳)
یگ نَبی اَخاب ره محکُوم مُونه (۲۰:۳۵)
باغِ انگُورِ نابوت (۲۱:۱)
نَبُوَتِ مِیکایا دَ خِلافِ اَخاب (۲۲:۱)
شِکست و مرگِ اَخاب (۲۲:۲۹)
پادشاهی یهوشافاط دَ یهُودا (۲۲:۴۱)
اَخَزیاه دَ اِسرائیل پادشاه مُوشه (۲۲:۵۱)