نسلِ عیسَو
36
اِی دَ بارِه نسلِ عیسَو یعنی اِدوم اَسته: 2 عیسَو خاتُونوی خُو ره از دُخترونِ کِنعانیا گِرِفت که اینی کسا بُود: عاده دُخترِ ایلونِ حِتّی و اهولیبامه دُخترِ عنا باچِه صِبعونِ حِوّی؛ 3 و اُو بَسمات دُخترِ اِسماعیل خوارِ نِبایوت ره ام خاتُون کد. 4 عاده الیفاز ره بَلدِه عیسَو دَ دُنیا اَوُرد، بَسمات رعوئیل ره دَ دُنیا اَوُرد، 5 و اهولیبامه یعوش و یعلام و قورَح ره دَ دُنیا اَوُرد. اینَمیا باچه های عیسَو بُود که دَ سرزمِینِ کِنعان بَلدِه شی تَوَلُد شُد.6 پس عیسَو خاتُونو، باچه ها، دُخترو و پگ خانَوار خُو ره قد چارپایا و پگِ حَیوانا و تمامِ دارایی خُو که از سرزمِینِ کِنعان دَ دِست اَوُردُد گِرِفت و از پیشِ بِرار خُو یعقُوب کم وَری دُورتَر دَ یگ سرزمِینِ دِیگه رفت، 7 چُون مال-و-دارایی ازوا غَدر کَلو بُود و اُونا نَمِیتنِست که یگجای زِندگی کنه؛ اُو منطقه بخاطرِ چارپایای ازوا بَلدِه ازوا ریزَگی مُوکد. 8 پس عیسَو دَ کوهِستونِ سعِیر جای-دَ-جای شُد؛ نامِ دِیگِه عیسَو، اِدوم اَسته.
9 و اینیا نسل های عیسَو بابه‌کَلونِ ادومی ها، دَ کوهِستونِ سعِیر اَسته. 10 اَمیا نام های باچه های عیسَو اَسته: الیفاز باچِه عاده خاتُونِ عیسَو و رعوئیل باچِه بَسمات خاتُونِ عیسَو. 11 باچه های الیفاز اینی کسا بُود: تیمان، اومار، صَفوا، جعتام و قِناز. 12 و الیفاز باچِه عیسَو یگ کنِیز دَ نامِ تِمناع دَشت. اُو عمالیق ره بَلدِه الیفاز دَ دُنیا اَوُرد. اینَمیا اَولادِه عاده خاتُونِ عیسَو بُود.
13 باچه های رعوئیل اینی کسا بُود: نَحَت، زارِع، شَمّه و مِزّه. اینَمیا نوسه های بَسمات خاتُونِ عیسَو بُود.
14 باچه های اهولیبامه خاتُونِ عیسَو، دُخترِ عنا و نوسِه صِبعون اینی کسا بُود: یعوش، یعلام و قورَح. امیا ره اهولیبامه بَلدِه عیسَو دَ دُنیا اَوُرد.
15 اینیا مِیرهای اَولادِه عیسَو اَسته: باچه های الیفاز، باچِه اوّلباری عیسَو اینی کسا بُود: مِیر تیمان، مِیر اومار، مِیر صِفو و مِیر قِناز، 16 مِیر قورَح، مِیر جعتام و مِیر عمالیق. اینَمیا مِیر های الیفاز دَ سرزمِینِ اِدوم بُود و نوسه‌گونِ عاده.
17 اینیا باچه های رعوئیل باچِه عیسَو اَسته: مِیر نَحَت، مِیر زارِح، مِیر شَمّه و مِیر مِزّه. اینَمیا مِیرهای رعوئیل دَ سرزمِینِ اِدوم بُود و نوسه‌گونِ بَسمات خاتُونِ عیسَو.
18 اینیا باچه های اهولیبامه خاتُونِ عیسَو اَسته: مِیر یعوش، مِیر یعلام و مِیر قورَح. اینَمیا مِیرهای اهولیبامه دُخترِ عنا، خاتُون عیسَو بُود. 19 پگِ امزیا باچه های عیسَو یعنی اِدوم بُود و مِیرهای ازوا.
اَولادِه سعِیرِ حوری
20 اینیا باچه های سعِیرِ حوری اَسته که دَمزُو سرزمی زِندگی مُوکد: لوطان، شوبال، صِبعون، عنا، 21 دیشون، ایصر و دیشان. امیا مِیرهای حوریا بُود و باچه های سعِیر دَ سرزمِینِ اِدوم.
22 باچه های لوطان اینی کسا بُود: حوری و هیمام. خوارِ لوطان تِمناع بُود.
23 باچه های شوبال اینی کسا بُود: علوان، مَنَحَت، عیبال، شِفو و اونام.
24 باچه های صِبعون اینی کسا بُود: اَیه و عنا. عنا امُو کسی بُود که چشمه های آوِ گرم ره دَ صحرا پَیدا کد دَ غَیتِیکه اُلاغای آتِه خُو صِبعون ره مِیچرَند.
25 اَولادای عنا اینی کسا بُود: دیشون و اهولیبامه دُختر شی.
26 باچه های دیشون اینی کسا بُود: حِمدان، اِشبان، یتران و کران.
27 باچه های ایصر اینی کسا بُود: بِلهان، زَعوان و عقان.
28 باچه های دیشان اینی کسا بُود: عوص و اَران.
29 اینیا مِیرهای حوریا بُود: مِیر لوطان، مِیر شوبال، مِیر صِبعون، مِیر عنا، 30 مِیر دیشون، مِیر ایصر و مِیر دیشان. امیا مِیرهای حوریا دَ مُطابِقِ طایفه های ازوا دَ سرزمِینِ سعِیر بُود.
پادشاه های اِدوم
31 اینیا پادشاه های بُود که دَ سرزمِینِ اِدوم حُکمرانی مُوکد، پیش ازی که کُدَم پادشاه دَ سرِ بَنی اِسرائیل حُکمرانی کنه: 32 بالِع باچِه بِعور دَ اِدوم پادشاهی مُوکد و نامِ شارِ ازُو دِینهابه بُود. 33 وختِیکه بالِع فَوت کد، دَ جای شی یوباب باچه زارِح از بُصره پادشاهی مُوکد. 34 غَیتِیکه یوباب فَوت کد، دَ جای شی حوشام از سرزمِینِ تیمانی پادشاهی مُوکد. 35 وختِیکه حوشام فَوت کد، دَ جای شی هَداد باچِه بِداد که دَ دَشتِ موآب مِدیانی ها ره شِکست دَد، پادشاهی مُوکد. نامِ شار شی عَوِیت بُود. 36 وختِیکه هَداد فَوت کد، دَ جای شی سَمله از منطقِه مَسریقه پادشاهی مُوکد. 37 وختِیکه سَمله فَوت کد، دَ جای شی شائول از شارِ رِحوبوتِ دریای فَرات پادشاهی مُوکد. 38 وختِیکه شاول فَوت کد، دَ جای شی بَعل حانان باچِه عکبور پادشاهی مُوکد. 39 وختِیکه بَعل حانان باچِه عکبور فَوت کد، دَ جای شی هَدار پادشاهی مُوکد؛ نامِ شار شی فاعُو بُود و خاتُون شی مِهیطَبیل دُخترِ مَطرِد، نوسِه میذاهَب بُود.
40 اینیا نام های مِیرهای عیسَو دَ مُطابِقِ طایفه ها، جای ها و نام های ازوا اَسته: مِیر تِمناع، مِیر عَلوه، مِیر یَتیت، 41 مِیر اهولیبامه، مِیر ایلاه، مِیر پِینون، 42 مِیر قِناز، مِیر تیمان، مِیر مِبصار، 43 مِیر مَجدئیل و مِیر عیرام. اینَمیا مِیرهای اِدوم یعنی عیسَو بابه‌کَلونِ ادومی ها بُود، دَ مُطابِقِ جای های بُود-و-باشِ ازوا دَ زمِینِ مُلکیَتِ ازوا.