27
Pa vante tèt ou sou demen,
Paske,
ou pa konnen kisa yon jou ka pote.
2 Kite yon lòt fè lwanj ou,
pa kite bouch ou fè l;
Kite yon etranje fè l,
pa kite bouch ou fè l.
3 Wòch peze,
sab lou,
Men,
kòlè moun san konprann pi lou pase tou de.
4 Gwo kòlè se bagay ki kriyèl,
kòlè se inondasyon,
Men,
ki moun ki ka kanpe devan jalouzi?
5 Pito ou jwenn reprimand klè,
Pase yon lamou ki kache.
6 Lè yon zanmi blese w,
ou ka fè l konfyans;
Men,
lè yon lènmi bo w,
se twonpe l ap twonpe w.
7 Moun ki gen vant li plen pile siwo myèl anba pye,
Men,
pou moun ki grangou tout sa ki anmè dous.
8 Tankou zwazo ki pèdi lwen nich li,
Se konsa moun ki pèdi lwen kay li ye.
9 Luil ak pafen fè kè moun kontan,
Se menm jan ak dousè yon zanmi ki bay bon konsèy.
10 Pa abandone zanmi w,
ni zanmi papa w,
Pa antre lakay frè w nan jou detrès ou,
Pito w gen yon vwazen pwòch,
ke yon frè ki lwen.
11 Pitit mwen,
vin saj e fè kè m kontan;
Konsa,
m ap ka reponn moun k ap meprize m.
12 Moun ki gen entèlijans wè malè a,
li kache;
Men,
moun sòt pase la epi yo pini.
13 Pran rad li,
paske li te reponn pou yon lòt.
Fè l bay garanti si l fè l pou yon etranje.
14 Si yon moun beni pwochen l ak vwa fò nan granmaten,
Y ap konsidere sa kòm yon malediksyon pou li.
15 Yon goutyè k ap degoute nan tan lapli
Ak yon fi ki renmen fè kont,
se menm bagay.
16 Moun ki kenbe l kenbe van an,
Epi men l kenbe luil.
17 Menm jan fè file fè,
Se konsa tou zanmi file karaktè zanmi.
18 Moun ki veye sou pye figfrans la manje fwi li,
Konsa,
moun ki veye sou mèt li ap jwenn onè.
19 Tankou vizaj nan dlo montre vizaj.
Se konsa kè lòm reflete lòm.
20 Peyi-mò ak labim pa janm satisfè.
Konsa,
je lòm pa janm satisfè.
21 Founo se pou ajan,
founèz se pou lò,
Men,
se lwanj yon nonm ki teste kè l.
22 Menm si ou ta pile yon moun san konprann nan yon pilon,
Nan mitan anpil grenn ak yon manch pilon,
Foli l p ap separe avè l pou sa.
23 Konnen byen chak mouton w genyen,
Pran swen twoupo w yo.
24 Paske,
richès pa la pou tout tan,
Ni kouwòn pa la jenerasyon apre jenerasyon.
25 Lè ou koupe zèb,
zèb vèt parèt,
Epi yo ranmase zèb sou montay yo.
26 Mouton yo la pou w ka mete rad,
Bouk kabrit yo la pou w ka peye jaden an.
27 Lèt kabrit sifi pou w manje,
pou w bay manje lakay ou,
Pou w ka pran swen sèvant lakay ou.