SRAT GI NICAN DI
PETRUS
PAS
NIHYET GI BIBIE TUT
Petrus pas kep Srat Petrus Gi Nican mem Allah de limwa nya di sindi iba ingon com Kristus. Noni pas kep srat dini leu binhyepo bisrep tut guru nitrowai nya igyai kepti nya bitut mun di kinei di ingginau tungwatu nya tut di bindei di icut-cut nyen ei sisar ninyeng hagomti. Suar yo di Kresten ikrau kep Allah kin Yesus Kristus ide ningginau yokti leu binhyepo itti-tti nyen kin guru nitrowai nya bi. Lewo yo di ingat Yesus bou igyai him bimiap Nonti nihyet tu itri tut Yesus Kristus ningginau yokti hanyen bak yo di sindi ingon jo kep nya.
Petrus sok kep yok tug hon srat dini tut yo di itri tut bipia Kristus mikwei hanyen bu bi. Srat dini ndo brei biyok bipia Allah binyen tut mun di Noni preu ei mem nye tut Kristus nikwei hanyenti bi. Allah joi sut gima tungwatu nya isar bi noro yahagom ittin ser ide sisar bikiek ndam Noni.
Nirop Ninda Ndigsi
Petrus pigo Allah de limwa nya 1:1-2
Allah nihig nyeti kin nidimig nyeti ei 1:3-21
Nisok kepti tut guru nitrowai nya 2:1-22
Kristus nikwei hanyenti 3:1-18