SRAT GI NIGOM DI
PETRUS
PAS
NIHYET GI BIBIE TUT
Petrus pas kep Srat Petrus Gi Nigom mem yo di ingon jo kep nya di intek gimahap ug ei Asia Mien nisurti-nipekti ba, ijem inyeng Allah de limwa di Noni dimig yok ei su nya. Noni pas kep srat dini leu binhyepo biwin kep ide niba ningon com Kristusti. Lewo mun di buhun bibor cut igkep yok ba, tungwatu nya igyai ninghuisi wei biyok drek dip Kristus. Noni pus ingonti tut Nihyet Di Kei tut Yesus Kristus di bindei dino ide niba ningon comti dima ngkiem bibor. Yesus Kristus nimaisi kin nikiju hanyen tut niyaijo nijepti kin gi preu ei mem yok tut nikwei hanyenti hagom bindei ba, igyok ingon mem Noni. Ma nipreu ei mem yokti dima biyai ingon bijo nyahan ba, iba ibou coi mem yo di ihwen bit yok nya. Ma igyok ngon kep bipia mun di buhun di cut igkep yok dima bingon yok tut ide ningon jo kep Kristusti. Ma ingon ngkiem tut imuhup di mitau biyok mpe dino Yesus Kristus kwei hanyen.
Noni biwin kep ingonti tut mun di buhun di cut igkep yok dima he bi noro tigtai yok leu binhyepo igyaijoti noyam kin yo di ibit Kristus.
Nirop Ninda Ndigsi
Petrus pigo yok 1:1-2
Nipingok ingonti tut niteu leu sisarti kin niyaijo nijep di kwei leu Allah 1:3-12
Nipingok ingonti tut igyai munti bit leu Allah ningon kanti 1:13--2:10
Yo di Kresten igyai munti nya mem nijam di igyai inghuisi wei 2:11--4:19
Niba nibou coi mem yamti kin niyai midyai mem Allahti 5:1-11
Petrus kes nihyet hon 5:12-14