SRAT DI
YAKOBUS
PAS
NIHYET GI BIBIE TUT
Yakobus pinak Srat Yakobus bak Allah de limwa nya di intek gimahap ug ei dihyei nisurti-nipekti hagom. Noni ba nihyet di biti ninda bindo mun di bindo mang bibor tut yo di Kresten igyaisi kin igyai munti nya. Noni pingok ingonti tut yo di inyeng kin yo di yuhui mbum nya kin mun di bingon kep nye kin niyai munti di kei bibor kin nimig mbus tungwatu nyati kin ide niba ningon com Kristusti kin igyai munti nya kin mun di tibim ei yuhui him kin ide ningon kiti kin nitte tut yamti kin ide ningon di jeisi kin niba nibou coi mem yamti kin nipai kep yamti kin yo di inggei-nggwang tut yonti kin ningon jo nyahanti kin nadi cem hagom.
Yakobus huk nihyet ei srat diniti leu binhyepo niba ningon comti kin niyai munti nya bicim tindei yam mem nye di ingon jo kep nya.
Nirop Ninda Ndigsi
Yakobus nipigo yokti 1:1
Niba ningon com Kristusti kin ningon di kiti 1:2-8
Yo di yuhui mbum nya kin yo di inyeng nya 1:9-11
Mun di bingon kep nye 1:12-18
Nimiap nihyetti bicim tindei nibit nihyetti 1:19-27
Nipus kiek ingonti leu binhyepo imig mbus tungwatu nya bi 2:1-13
Niba ningon com Kristusti kin niyai munti nya 2:14-26
Suar no di Kresten sok kep nonti tut mun di tibim ei nuhui him 3:1-18
Yo di Kresten igyai munti nya ei dihyeisi dini 4:1--5:6
Yakobus pingok ingonti tut mun nyeng hi kin bu 5:7-20