SRAT GI NIGOM DI
YOHANES
PAS
NIHYET GI BIBIE TUT
Yohanes pas tut ningon kanti can ei Srat Yohanes Gi Nigom diniti. Ningon kanti gi nigom pingok yo di ingon jo kep nya ingonti leu binhyepo igyaijo nok gom kin Allah kin Nipmot Yesus Kristus. Gi nican pingok ingonti leu binhyepo inang leu ningginausi di igbit bi di nggek tut ide niyaijo nok gom kin Allah kin Yesus Kristusti. Ningginau yokti di igbit bi ntun yo di itri tut bipia gino ingget mun di mipror yon ne sisar rap nye drek dip. Ningat ne ningginausi dima ntun mun di igbit bi him lewo pingok tungwatu nya ingonti bipia Yesus di Allah Nipmot srek kwei ei dihyeisi dini nok tungwatu jit bi. Guru nya di itri tut ningginausi dima itri tut bipia Allah niteu nye leu sisarti bindei ba, igyati kwes bikrau ingon tut dihyeisi dini bu bi. Bitut gima cem itri tut bipia Allah niteu nye leu sisarti com nigau ei ningon kwes-kwausi kin ningon ngakei yamti cem bi.
Yohanes srep tut ningginausi di igbit bi dima bindo brei bipia Yesus Kristus srek kwei ei dihyeisi nok tungwatu. Noni sum nihyet eisi cem bipia yo di ingon jo kep Yesus di ingon ngakei Allah ma yahagom ingon ngakei yam.
Nirop Ninda Ndigsi
Nihyet di yai niyaijo nijep bak tungwatu nya 1:1-4
Ningginausi tut nipigati kin nidinditi 1:5--2:29
Ibinai sut Allah nimunggwom bat nya kin Bilis nimunggwom bat nya 3:1--24
Ningginausi tut Ninnei di nijit kin ninnei di bindei srawir 4:1-6
Ningginausi tut ningon ngakei yamti 4:7-21
Ide niba ningon com Kristusti bindei cut dihyeisi dini 5:1-21