SRAT DI PAULUS PAS MEM
FILEMON
NIHYET GI BIBIE TUT
Filemon ne no di Kresten di ninyeng jei rin ba, ninyeng tibim kin yo di inggre kin mbusyamei ei minu ndig Kolose. Noni bon nide awak Onesimus di nang leu noni bimbut-mbut wai lene ttau kep Paulus di sima ei ig bui nsi. Paulus mbus Onesimus ningonti leu api noni ttin ser nide sisar bikiek ndam Allah.
Paulus ba Srat Mem Filemon biya hacan mem Onesimus leu binhyepo Filemon ningon kwes kin nide awak dima hanyen bu lewo Paulus sindi cuk noni bingkwei hanyen ug ei niceu nidim. Paulus joi sut ma Filemon ya um Onesimus hanyen nok nide awak di kos ser nibon munti tu he bi noro nok nisut di ningon jo kep Yesus cem.
Nirop Ninda Ndigsi
Paulus pigo Filemon 1-3
Filemon ba ningon com Kristus biningon ngakei tungwatu nya cem 4-7
Paulus ya hacan mem Onesimus 8-22
Paulus kes nihyet hon 23-25