SRAT DI PAULUS PAS MEM
TITUS
NIHYET GI BIBIE TUT
Titus ne no di bit Puig Yahudi bi rin noro ningon jo kep Kristus leu api ya tut Paulus bimpu noni tut nide midyai. Paulus pinak Srat Mem Titus di ningat rin ei Mios Kreta. Paulus kes noni ei mpia dima leu binhyepo nyohou dimig yo di mbusyamei nya igyai munti nya. Noni pas kep srat dini tut mun nyeng ningai.
Gi nigom rino Paulus pingok Titus ningonti tut yo di idem mem gima inyohou yo di mbusyamei nya. Noni tri tut gini bibie lewo mben Kreta imang bibor igyai munti nya kinei bibor. Gi nican rino Paulus pingok Titus ningonti tut notou noni ngginau bikwop nimpung di titer leu yam di isrig mbusyamei nya ikieti. Gima bitut nimpung andig-ndau nya kin nimpung sindig-ndau nya (suar yo dini ingginau nimpung niwak cam nya) kin nimpung pilei nya kin nimpung awak nya. Gi niningai rino Paulus ngginau Titus tut yo di Kresten leu binhyepo ibindei mbut igyai munti di kei bibor nya. Suar yo di Kresten ingon jo nyahan ba, ihig isut bit yam. Gini bon ninyeng dor njiriek nindigsi nya. Lene ma ingon mpo tut yam ba, ibiyai yo di mbusyamei nya iba nitok biyam au.
Nirop Ninda Ndigsi
Paulus pigo Titus 1:1-4
Ningginausi tut nibou mbusyamei nya 1:5-16
Nimpung di titer leu yam ide niyai munti nya 2:1-15
Paulus pingok Titus ningonti 3:1-11
Paulus kes nihyet hon 3:12-15