SRAT DI PAULUS PAS
MEM MBUSYAMEI EI HANJOP
GALATIA
NIHYET GI BIBIE TUT
Niabiati nibou nya itri tut Nihyet Di Kei tut Yesus ei ngkiai nya ikieti lene mun di biyai di ingon kiowi eisi ttau kep ngkiai di sindi ingon jo kep Kristus nya. Mben Yahudi ibou poi ibrim ingkek kep ngkiai dima yok tut puig timiei bibidip huk yok leu binhyepo ibit puig timiei nicuk yokti bitut Yesus ningginau yokti nya cem ba, hacem hati tut yam. Paulus tri tut bipia puig timiei bon ninyeng bu bi noro ide niba ningon com Kristusti nongkom biyai ingon kwes kin Allah hanyen. Yo di itte tut Paulus nihyet ikwei hak ide mun di kinei dima ei mbusyamei hanjop Galatiati. Galatia dima ne hanjop nsi gom di nibou ndig Roma ninyeng tak kep ei Asia Mien ri. Yo dima itri tut bipia suar ngkiai di ingon jo kep nya ibit Puig Yahudi niggai serti nya hagom leu binhyepo ibiyai ingon di kwes kin Allah hanyen.
Srat Mem Mbusyamei Ei Hanjop Galatia bimpu yo di israwir tug hon mben Yahudi ide nipingokti di kinei dima lene brim yok hanyen ndam nihyet di nijit. Ei nimbie him ne Paulus pai sut nonti bipia dem mem gima ijem ninyeng no di ya kui Yesus. Noni ba niji di ngkiem bisimbot dat bipia Allah Nongkom ta noni nok no di ya kui Yesus lo, tungwatu nya ne bi. Noni simbot dat bu bipia Allah ta noni leu binhyepo yai kep midyai nya ei ngkiai nya ikieti nipou ug e (1-2). Noni ba nihyet bidahat tungwatu nya tut ningon kwes kin Allahti di tug hon niba ningon com Kristusti Nongkom he (3-4). Srat dini ninggrupti (5-6) pui sut Paulus di ndo brei bipia ningon ngakei yamti di ntun nye di Kresten him tirigi ingon jo kep Kristus bindei ba, igyai kep ide midyai di kei bibor nya.
Nirop Ninda Ndigsi
Paulus pigo mbusyamei nya ei hanjop Galatia 1:1-10
Dem tut gima ijem Paulus ninyeng no di ya kui Yesus 1:11--2:21
Nihyet Di Kei tut Allah nisingat tut tungwatu nyati 3:1--4:31
Tut yo di Kresten di igyati kwes kin midyai di suar igyai kep nya 5:1--6:10
Paulus pas kep gi ningwigsi bitak kep biyok 6:11-18