SRAT GI NICAN DI PAULUS PAS
MEM MBUSYAMEI EI MINU NDIG
KORINTUS
NIHYET GI BIBIE TUT
Paulus pas kep Srat Gi Nican Mem Mbusyamei Ei Minu Ndig Korintus mem nijam dino noni kin yoni ingon pus tut yam. Mbusyamei nya ibou poi ipai kep noni bibor noro noni ndo brei biyok bipia noni joi sut gima yahagom ingon kwes kin yam hanyen bu. Paulus binut nipas kepti bu tut ningon kwes kin yamti nikieng kep yahagomti di biyai ningon di llei bibor.
Ei srat Korintus gi nican nitriti Paulus pai brei sut nide nitig mbier tut mbusyamei minu ndig Korintusti. Noni ndo brei biyok nggon rino ba nihyet buhun bibuhup biyok drek dip ighyet di tigut noni kin gi itte tut noni. Niabiati noni pas kep tut mun dima lene binut nipas kepti tut ningon llei sutti lewo nide niba nihyet buhun bibuhup biyokti bindei ba, ittin ser ide sisar apino ingon kwes kin noni hanyen. Noni hara mem yok tut munkwas leu binhyepo imbus mun di imati ndrim hi bibahati tut yo di Kresten di yuhui mbum ei hanjop Yudea. Srat ninggrupti pui sut Paulus nimbrap gau ninyeng no di ya kui Yesusti drek dip nibou nya ibou poi ei minu ndig Korintus di ikon yonti inyeng nok nibou di nijit nya lo, ipai kep Paulus bipai sut noni bipia ya kui Yesus bi.
Nirop Ninda Ndigsi
Paulus pigo mbusyamei ei minu ndig Korintus 1:1-11
Paulus pingok yo di mbusyamei nya ingonti 1:12--7:16
Munkwas tut yo di Kresten ei hanjop Yudea 8:1--9:15
Paulus mbrap gau nide nisindemti di tug hon ninyeng no di ya kui Yesus 10:1--13:10
Paulus pas kep gi ningwigsi 13:11-13