SRAT GI NIGOM DI PAULUS PAS
MEM MBUSYAMEI EI MINU NDIG
KORINTUS
NIHYET GI BIBIE TUT
Paulus ba nide Srat Gi Nigom Mem Mbusyamei Ei Minu Ndig Korintus bipingok ingonti tut mun di buhun di srou yok nya bitut igyai munti nya kin ide niba ningon com Kristusti lewo noni ta mbusyamei ei minu ndig Korintus nipou su. Ei nijam dima ne minu ndig Korintus nok minu ndig nibousi ei minu Yunani mem hanjop Akhaya noro nibou ndig Roma ninyeng tak kep hanjop dima hagom. Timiei minu ndig dini ne mben di isok yam mang bibor nya ri. Jo nibreisi mem timiei minu nindigsi nya hagom bipia timiei minu ndig Korintus nya ita ibou ei nitri-nipek ndiyokti ba, igyai kepti nya kin ide midut nya bon ninyeng. Noro timiei minu ndig Korintus ibon mun hacican ba, ikuk yok bak kwar di ide nya mang bibor.
Paulus ningon buhun tut mun nyeng mang bibor di srou yo di inggre kin mbusyamei nya ei minu ndig Korintus. Isrep tut yam cem icut tut yam cem isrou yam tut niyem njita tut yamti cem tut niwak yamti cem tut ningon mien di srou yamti cem tut ninyohou dimig sut mun di bitut mbusyamei cem tut nisindemti nya di Allah Ninnei yai binye cem tut nikiju hanyen leu nimai eisi cem. Paulus ba ningon di ki bindo brei biyok bipia Allah De Nihyet Di Kei buhup mun di buhun dima yok hagom.
Pasar simnaibrimigningai mbot kep tut ningon ngakei yamti di singat kei kin mun di kei bibor di Allah yai bak Nide limwa nya ba, bon ninyeng bibor ei srat dini.
Nirop Ninda Ndigsi
Paulus pigo mbusyamei ei minu ndig Korintus 1:1-9
Ningginausi tut yo di mbusyamei di ikwas yam 1:10--4:21
Ningginausi tut niyem njita tut yamti kin igyai munti nya ei ig bei 5:1--7:40
Ningginausi tut yo di Kresten kin yo di ingon tindur nya 8:1--11:1
Ningginausi tut igyai kepti nya kin ide ninggei sut Allahti ei ig mbusyameisi 11:2--14:40
Ningginausi tut Kristus kin yo di Kresten ide nikiju hanyen leu nimai eisiti 15:1-58
Mitiei di ngkiai nya ikwas tut yo di Kresten ei hanjop Yudea 16:1-4
Paulus tri tut nonti njem ne pigo yok bipas kep gi ningwigsi 16:5-24