NIHYET DI KEI DI
MARKUS
PAS KEP
NIHYET GI BIBIE TUT
Nihyet Di Kei Di Markus Pas Kep nitriti pai <<Nihyet Di Kei tut Yesus Kristus di Allah Nipmot>> ba, nitriti pai binye bipia Nihyet Di Kei dima pai sut Yesus di nok No di yai kep midyai mang bibor kin No di nihyet sindem ba, tungwatu nya iba ingon com Noni. Nide nisindemti jo nibreisi tug hon Nide ningginau tungwatu nyati kin nijji ninnei rom nyati kin nikos ser tungwatu nya ide sisarti. Yesus tri tut Nonti nok Munggwom Tungwatu Nipmot di kwei leu binhyepo kwek tungwatu nya leu sisar.
Markus nipas kepti tut Yesus nok nipui mun di mbrap pijum bit nye bipui sut Yesus niyai munti nya. Noni brim nihyet ei Yesus niyai munti nyati dor njiriek Yesus nipingok tungwatu nyati kin ningginau tungwatu nyati. Niabiati Markus pas kep nide srat nitriti tut Yohanes di tur tungwatu nya ei minyeiti cem tut Yesus di yai nitur No ei minyeiti cem tut Bilis nibingon Yesusti cem leu su lene noni kinyon haninyai ei nipui mun tut Yesus de midyai bitut mpe di Noni bindei ba, yo di inggwen ikei hanyen kin Yesus ningginau tungwatu nyati cem. Pasar di jo ei ninggrupti nya pui sut mun di pek kep mem Yesus ei ari nitindur gom gi ningwigsi tirigi Noni coi ug ei Yerusalem kikau biyai nimai ei biei salibti kin nikiju hanyen leu nimai eisi.
Hanjop nsi di jo hon 16:9 bikui ne ninggrupti hi kin bu rin ba, Markus nonti pas kep bi noro nibou mbusyamei hiter pas kep bibingon nok ninggrupti bu.
Nirop Ninda Ndigsi
Yohanes tri nihyet 1:1-13
Yesus yai midyai ei timiei Galilea nya ikieti 1:14--9:50
Yesus jo leu hanjop Galilea buug ei minu ndig Yerusalem 10:1-52
Ari nitindur gom gi ningwigsi mem Yesus ei minu ndig Yerusalem kin minu mien di gahai nya 11:1--15:47
Yesus nikiju hanyen leu nimai eisi 16:1-8
Yesus ndo Nonti ningat brei bak tungwatu nya leu api kui ug ei gwamti 16:9-20