SRAT NABI MALEAKHI
NIHYET GI BIBIE TUT
Srat Nabi Maleakhi pai sut Nabi Maleakhi di tri tut nihyet niabiati mben Israel iwin TUHAN De Ig ei minu ndig Yerusalem hanyen mem nijam gi nimuhwi nipou tirigi Yesus srek bigyo. Nabi Maleakhi bidip huk imam nya kin ide limwa nya leu binhyepo iwin ide niba ningon com TUHANti kin mun di Noni preu ei mem yok.
Jo nibreisi bipia Allah de limwa nya inghen tut gima ibit nihyet. Ikuk yok biNoni mungkun bi apino sisar srou yok. Imam nya kin ide limwa nya cem iris bak TUHAN tirigi ikwas mun tut Noni bit leu nicuk yokti nya bi. Ba, igyai munti nya cem bit leu nok Nide ningginau yokti bi.
Noro TUHAN mikwei mbus Nide limwa nya ingonti lene bindei ba, ingon tiei kei hanyen. Tut gima ne TUHAN mipinak Nide awak di ninyeng jei bibie mem gima tin puig bitri tut mun di Noni preu ei mem yok.
Nirop Ninda Ndigsi
Sisar di mben Israel ibon 1:1--2:16
TUHAN mikes hukum ei yok dip bingondut yok cem 2:17--4:6