SRAT NABI ZEFANYA
NIHYET GI BIBIE TUT
Nabi Zefanya lene nabi di tri tut nihyet mem nijam ari bingwam muhwindacan nipou tirigi Yesus srek bigyo ningwigsi ri. Mpe dima lene Nibou Ndig Yosia bindei ba, mben Yahudi ibrim ingkek mem Allah hanyen bu kikau mem ari bingwam simnai. Ikinyon eisi mem nijam ari bingwam sratus muhwindagom ningot can ba, gom nipou tirigi Yesus srek bigyo.
Srat dini ndat kep nihyet di nabi nindigsi nya itri tut bak ide limwa nya. Nabi dima yok isok kep ide limwa nya tut hukum di micut igkep yok kin ide nitimek bingwigsi kin mben Yehuda di mitug ndei hukum drek dip nikuk no bak kwar nya cem. TUHAN mikes hukum ei mben nindigsi nya cem dip. Mbro nok gino minu ndig Yerusalem timek bingwig lo, tungwatu nya miwin minu ndig dima hanyen ei nidipti bu leu api yo di ingon sren nya kin yo di ibit TUHAN nihyet nya mibong ser.
Nirop Ninda Ndigsi
TUHAN de njap nimbus munhyetti 1:1--2:3
Nisigionti di cut igkep minu Yehuda ninttig-tta di ngkiai nya 2:4-15
Minu ndig Yerusalem tug ndei hukum leu api yai niteu leu sisarti 3:1-20