SRAT NABI HABAKUK
NIHYET GI BIBIE TUT
Allah sok nihyet ei Nabi Habakuk dip bak Nide limwa nya mem nijam gi nimuhwindacan ningwigsi nipou tirigi Yesus srek bigyo. Mpe dima lene nibou ndig Babel ninyeng tak kep yok. Nabi Habakuk ningon buhun bibor tut mben Babel di imbuk bibor leu api hig ser TUHAN <<Nggon rino akimut ahui tirigi yo di imbuk bibor igyai nimai bak ide siceu di nyeni di ningon sren bi lai-lai de he i?>> (1:13)
TUHAN buhup bipia Noni mibindei yok bit leu Nonti ningon kanti dem igbit nikwesti di kei bibor. Noro nipou tirigi Noni bindei yok bigyo lene pai bak Habakuk <<Ma ayok ngon kep bipia yo di imbuk bibor mingwes ngun bi noro yo di igyai igbit Allah ningon kanti igyai niyaijo lewo ingon gom tut Noni>> (2:4).
Srat dini ninggrupti pai sut yo di ibit TUHAN nicuk yokti nya bi ide nitimek bingwigsi. Nabi Habakuk ba doia bikiek Allah nikwes-kwausi lene ba doia di bikiek dima bipai jit tut nide ningon gom tut Allahti cem ei pasar ningai.
Nirop Ninda Ndigsi
Nabi Habakuk lua sok tut mun di mbuk leu api
TUHAN buhup nihyet 1:1--2:4
Yo di ibit TUHAN nicuk yokti nya bi itug ndei nisigion yokti 2:5-20
Nabi Habakuk ngat nadi 3:1-19