SRAT NABI HAGAI
NIHYET GI BIBIE TUT
Srat Nabi Hagai pai sut nihyet poi di Allah sok ei Hagai dip bak Nide limwa nya mem nijam ari bingwam sratus muhwi ningot can ba, gom nipou tirigi Yesus srek bigyo. Mben Yahudi ingwes ngun leu ingkiaisi wer ninno tu noro ibrim ingkek mem gima iwin TUHAN De Ig hanyen bi. Srat dini pai sut Allah nipingok nibou mben Yahudi ingonti leu binhyepo iwin TUHAN De Ig hanyen. Noni preu ei mem yok bipia gino ingon kwes kin Noni hanyen ba, ingon sren kei cem ne yahagom mibong kei migwam kei ba, mben nindigsi nya ingon kwes kin yok.
Nirop Ninda Ndigsi
TUHAN nihyet nibicuk Nide limwa nyati leu binhyepo iwin Nide Ig 1:1-15
Nisok nihyetti di biwin kep ingon lene biyai niba ningon comti biyok cem 2:1-23