Nihyet nibiti nindati tut ba anggur ninjem
15
1 Lene TUHAN pai bida, 2 <<Na di tungwatu di ayaijo kikau bi e, notou abinai ba anggur ninjem kin biei nindigsi nya i? Gino abinai ba anggur ninjem kin biei bigbehei ninjem lene ma ando gi hi di bon ninyeng dor njiriek hiter nya. 3 Tungwatu nya iba ba anggur ninjem bibon mindei ngan i? Iba nikoisi bipindur ndigban hi eisi e? 4 Ba anggur ninjem bon ninyeng bi ba, nok biei mui di indig kep hum he. Gino hum yem niyenti cin bijep leu su lene nahacanti cem wer hum ngum leu lene nibon ninyengti no rinaha yo e? 5 Hi bi! Tirigi indig kep hum bigyo ne ninjem bon ninyeng bi. Gino indig kep hum ba, hum yem leu lene bon ninyeng bi bibor!>>6 Gima rino TUHAN Di Ninyeng Jei Bibor pai <<Miduubon timiei minu ndig Yerusalem nya noyam kin ba anggur ninjem di diyai leu bigbehei bidindig kep hum! 7 Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne TUHAN ri. 8 Iba ingon di gom bibit da bi. Gima rino dibindei idihyei dima ba, wer iggum ndigsi he. Da di TUHAN Di Dinyeng Jei Bibor disimbot dat tu.>>