Allah de nipreu eisi mem Barukhti
45
1 Yoyakim di Yosia nipmot ninyeng tak kep Yehuda buug cut ari bingwam gi nibitai leu lene Barukh pas kep mun di dindat kep bak nya. Leu api dipai, 2 TUHAN di Allah Israel nihyetti bak. TUHAN pai <<Barukh e, 3 ahara <Ayo, dingon dahat leu o! Mun di nggruk mang bibor buhun tak da leu api TUHAN ba ninghuisi wei bikum bu. Dimuhup tut ninsoti. Dingon gi jo nyahan bi bibor!>4 Barukh e, Da di TUHAN digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom. 5 Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di TUHAN disimbot dat tu.>>