SRAT NABI YEREMIA
Nihyet Gi Bibie Tut
Nabi Yeremia niyaijo ei nijam gi nimuhwindacan ninggrupti kikau ug bipek nijam gi nimuhwindagom nitriti nipou tirigi Yesus srek bigyo. Noni ne nabi di tri tut nihyet wer ninno bisok kep Allah de limwa nya tut mun di buhun bibor di micut igkep yok drek dip ide sisar kin gi ikuk yok bak kwar nya ri. Mun di Yeremia sok kep yok tut pima pek kep mem yok ei nijam di Yeremia niyaijo yo. Nibou ndig Nebukadnezar leu minu Babel kon pran bit timiei minu ndig Yerusalem bibindei ba, ide minu ndig kin TUHAN De Ig timek bingwig. Leu api noni kat nibou ndig minu Yehuda kin nide limwa nya ba, isima ei ingkiaisi ei minu Babel. Yeremia tri tut biyok bipia ei nidipti bu lene yoni mingkwei hanyen leu ingkiaisi dima leu api Allah mipindi yok leu binhyepo ibong kei igwam kei hanyen.
Srat Nabi Yeremia bon hanjop nsi nindig bitai.