4
1 Mpe dima lene sop ibou muhwindacan mindun pinai gom ninda him bipai bak <<Ma asindui sut ba, nijem na nok nyeni nijjep leu binhyepo nigwam nimmaiti drek dip gi niwak nijjep hi bigyo bi. Noro njita kin sinsun nibok ne gima tug hon nyenti.>>TUHAN mipui nihyet tut minu ndig Yerusalem
2 Tto bou midem leu api TUHAN mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan. 3 Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes. 4 TUHAN ba Nide nisindemti bigwam nok nikei mem Nide limwa nya bibindei ba, ingon kwes. Noni mibindei pwoi timiei Yerusalem nya leu yo di itug ndei nimai ei minu ndig Yerusalem inggrom a. 5 Leu api Noni bindei ba, bumbuhui mijo nai Nungug Sion bitut yahagom di idem yam ei mem njapti ba, cou hum kin ninjeng di piga kei mijo nai Nungug Sion bitut yo di idem yam ei mem mmun. Nide nisindemti mibinggai minu ndig Yerusalem ba, binyohou titut yam cem. 6 Noni miba Nide nisindemti bicuon minu ndig dima leu mpia wam mem mpia njap bibindei ba, nok mpia nigwam coi binding leu biget di but mbras kin sigau.