Doia nibipai sigyoti
138
1 Daud ngat nadi.TUHAN e, midiba dingon titut bipai sigyo biNa. Dipai doia ba, dibikon anyeng ei Ade awak di apai tes nya ei gwamti yoho bei.
2 Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.
3 Mpe dino dahara Nani ne abuhup ba, ayai ningon di ngkiem bida leu api mimbri kui dingkek.
4 TUHAN e, nibou ndig dihyeisi dini hagom mikon anyeng lewo imiap tut Ade nipreu eisi nya.
5 Yoni miba doia bikiek Ade niyai munti nya kin anyeng di jei bibor.
6 Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.
7 Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.
8 Mporo ayai bipek kep nipreu eisi nya di apreu ei mem da. Akes hon gima ayai abou tut Ade limwa nya au.