Doia nibiyok ngon kep TUHAN di mpu yok hanyen bu
126
1 Doia nikui ug ei Mbigdip Sion.Tirigi TUHAN kinding minu ndig Yerusalem hanyen pima lene gima dem kep nok mumpriem di nyeni imumpriem!
2 Ikwai tiei ba, iba ingon di llei bibor bipai doia. Ngkiai nya ipai sut nye <<TUHAN bon mindur nindig bibor mem yok.>>
3 Igbit ri! TUHAN bon mindur nindig bibor mem nye tu! Gima rino ingon nggei-hi-nggei!
4 TUHAN e, apui ahyet tut nye hanyen bu dem kep nok minyei di su ei nipingge leusi ei bed di biang biget.
5 Asindui sut ba, yo di iba igyai nggwei kibor bindim njita ngan ei miaisi pima iba nimbos-hi-mbosti bipuk njita ningat di kei hanyen kwei.
6 Yo di iba igyai nggwei di kibor bipwoi njita ngan ba, yuug ndim ei miaisi nya mporo iba nimbos-hi-mbos nindig bibor bittei njita ningat nindig bibor ba, ingkwei hanyen ug ei ide ig bei.