Doia nibipai sigyo tut Allah di teu yok bingwes ngun
124
1 Daud de doia nikui ug ei Mbigdip Sion.Gino TUHAN tti kin nye bi ne notou mem nye i? Je di mben Israel e, ma jibuhup,
2 <<Gino TUHAN tti kin nye bi ne tirigi ide siceu nya ihwen nye,
3 lene yoni mihwen nye bingwig lewo imbuk tut nye nindig bibor.
4 Ihwen nyeti dima dem kep minyei di su bibiam gau nye binoyam kin minyei di nimig ten.
5 Nyeni imai bisar dem kep minyei ningwa di krup tut tungwagom ba, kot noni ei minyei jou.>>
6 Jikwei ba, ipai sigyo bak TUHAN lewo Noni sindui sut ide siceu nya bihwen nye bingwig bi.
7 Nyeni ingwes ngun dem kep nok ha di dimba leu bansi. TUHAN bindei ba, bansi tun tu leu api nyeni ingwes ngun!
8 TUHAN di pai tes mpia bbed-him kin dihyeisi dini ne No di kwei mpu nye ri.