Nadi nahara mem Allah mpu no
(Mazmur Kin Doia 40:13-17)
70
1 Doia Daud mem no di bie tut doia nimpung ba, bikiek midut nibiyok ngon kepti.2 Allah e, ateu da bidingwes ngun. TUHAN e, abipbur ba, ampu da.
3 Handei kon ba, yo di itin ei mem igyai nimai bida dima icut bingwig binang-nang wai hak ug. Handei kon ba, yo di ingon kei kep da bimbos-hi-mbos tut mun di kinei di cut igkep da isujou kep inghim dip ba, nimmai kui yokti cem.
4 Handei kon ba, no di pa ndip da gwam nidigitti ba, nimmai kui noti cem.
5 Ma yo di ikuk yok biNa yahagom igyai nillei ba, ingon nggei-hi-nggei. Ma yo di ingon ngakei Nani drek dip gi ateu yok di ingwes ngun tu yahagom ighyet jo kep kikau bipai <<Mbenjen! Allah ninyeng jei bibor!>>
6 Duhui mbum ba, dinguhuisi jet. Allah e, abipbur ba, akwei haninyai. Nani ne No di mpu da ba, teu da bidingwes ngun ri. TUHAN e, ma abinyen au.