Nadi nahara mem gima Allah nyohou yok
61
1 Doia Daud mem no di bie tut doia nimpung di ikek nggong mbrei.2 Allah e, angig atingou mem dihyet di dahara ma hwou. Ayok atingou mem ditde nadi.
3 Dahara biNa ei minu ting leu ditde ig lewo dingon dahat leu su. Abuwak da ug ei mpia ninang coi ei anai di gi mbun dikui ug eisi kan bi.
4 Lewo Nani rino anyohou da ba, anok tentara nibousi di dinang coi leu ditde siceu nya.
5 Asindui sut ba, digwam bit Na ei Ade prak meng bijo kikau mem nijam di diyaijo ei dihyeisi dini bidigwam coi anyehei behei.
6 Lewo Na di Allah amiap kep gi preu di dipreu ei mem Nani ba, abiyai yo di ittin tut Na ide mun ninda rom bida tu.
7 Dijoi sut gima nibou ndig de njap jei ba, niyaijo bingat nintun him noni nya bou niyai him.
8 Dijoi sut gima ninyeng tak kep limwa nya bijo ninno-bijo kikau ba, noni nok Ade nibou ndig di adimig ei su. Aba angon ngakeisi kin angon gomti binyohou noni.
9 Leu api midipai doia nibikon anyengti biNa ba, midibibon mun ug bipek kep gi preu di dipreu ei mem Nani sindam bikwop njap-njap.