Nadi di ipai mem njap tekti
3
1 Doia di Daud pai tug hon nadi mpe di nang leu nipmot Absalom.2 TUHAN e, ditde siceu di iba nitok bida imang bibor. Yo di ihwen bit da cem imang bibor.
3 Imang bibor di ipai bipia Allah kou sut gi mpu dani.
4 Noro Na di TUHAN rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.
5 Diya ei TUHAN de nungug tou di kwes-kwau dipb bidahara Noni leu api Noni buhup dihyet.
6 Dikuk da bidibong mai lewo TUHAN nyohou da biya ser da leu api dikiju hanyen mem njap di hyep bu.
7 Dittin tut ditde siceu ibou sribu-ribu di iba nitok bida di igyon ser da ei dite hi dite hi hagom bi.
8 Ditde TUHAN Allah e, ateu da bidinggwes ngun. Akes hukum ei ditde siceu di iba nitok bida nya dip lene abindei ba, yahagom imig lit cem.
9 TUHAN e, nisindemti mem gima bindei timek ditde siceu nya kwei leu Nangkom he. Ma anjei mun di kei bak Ade limwa nya.